logo


Десет начини да изградете бренд за вашиот мал бизнис

Многу сопственици на мали бизниси се свесни дека брендирањето е од суштинско значење за нивниот бизнис, но изненадувачки висок број од нив не знаат зошто е тоа така.

Тие ја препознаваат врската помеѓу успешните бизниси и силното брендирање и се стремат да изградат бренд кој ќе биде приближно успешен како нив. Тие знаат дека брендирањето не е само логото и поседување на рекламни материјали. 

Брендирањето е начин на дефинирање на вашиот бизнис, вашиот тим и вашата надворешна публика. Тоа би можело да се нарече бизнис идентитет, но само под услов да ја претставува суштината на вашиот бизнис и неговите вредности. Корисниците на сите видови на бизниси се доволно свесни денес за да ги согледаат обидите на компаниите да прикријат нешто или да шармираат за да стигнат до продажба.

Кога ќе се поврзете со клиентите емоционално ( затоа што тие ги делат истите вредности и верувања за брендот ), тоа доведува до зголемена продажба и подобра  идентификација на вашиот бренд. Тоа, исто така доведува до лојалност, застапување и дури може да се заштити вашата цена во време кога конкурентите се потпираат на промотивни попусти.

Еве десет совети за успешно спроведување на брендирањето на вашиот бизнис:

1. Започнете со дефинирање на вашиот бренд.

Направете преглед на производите и услугите кои вашиот бизнис ги нуди, посочете кој дел од пазарот го зазема и истражувајте ги емотивните и рационални потреби на вашите клиенти. Карактерот на вашиот бренд треба да го промовира вашиот бизнис, да овозможува да се поврзете со вашите клиенти и да се истакнувате од останатите на пазарот.

2. При изградбата на вашиот бренд, гледајте на него како на личност.

Секој еден од нас е индивидуална личност, чијшто карактер е составен од верувања, вредности и цели кои дефинираат кои сме и со што сме поврзани. Нашата личност определува како се однесуваме во различни ситуации, како се облекуваме и што зборуваме.

3. Размислете што го придвижува вашиот бизнис кон успех.

Дефинирајте кои се верувањата, намерите, целите и суштината на бизнисот. Овие работи можат ви помогнат да го воспоставите вашето позиционирање на брендот и да бидите информирани за идентитетот и за карактерот на вашиот бренд.

4. Гледајте да изградите долгорочни односи со вашите клиенти.

Не претерувајте со "нашминкани" понуди и очекувања кои резултираат со лажни ветувања, создадете доверба со чесно брендирање - да биде јасно која е вашата компанија и нејзините вредности.

5. Зборувајте со вашите клиенти со доследен тон на гласот.

Тоа ќе помогне да се зајакне карактерот на вашиот бизнис и да се разјасни вашата понуда, па клиентите ќе бидат свесни што точно да очекуваат од производот или услугата.

6. Не ја повторувајте истата  порака секогаш на истиот начин.

Бидете иновативни во испраќањето на вашите клучни пораки до клиентите со што ќе изградите цврст идентитет на вашиот бренд.

7. Не се обидувајте да ги имитирате големи брендови.

Обидете се да изградете ваш сопствен и претпознатлив идентитет. Постои голем тренд кај потрошувачите да се насочуваат кон независните компании кои нудат оригинални и автентични производи и услуги, додека голем број бизниси се обидуваат да ги имитираат таквите брендови. 

8. Бидете иновативни и храбри - застанете зад вашите верувања.

Големите брендови се оптоварени со големите слоеви на бирократијата, што ги спречува во тоа да бидат флексибилни и да реагираат на постојаното менување на потребите на своите клиенти. Затоа треба да бидете смели во вашето брендирање и на тој начин да привлекувате нови клиенти.

9. Секогаш имајте го во предвид вашето брендирање при комуникација со клиентите.

Не ја губете вашата гордост и не ја намалувајте вредноста на вашиот бренд  со неселективни попусти. Обидете се да понудите повеќе, отколку постојано да ги намалувате цените. Промоциите се можност да се зајакне вашиот бренд.

10. Кај клиентите не поминува секогаш старомодниот начин на прикажување на логото.

Потрудете се секогаш кога го претставувате вашиот бренд и лого да бидете оригинални и иновативни, пронајдете нови начини на промоција и едноставно следете ги желбите и потребите на клиентите.


Наш избор на сајтови
© 2014 Веб Адресар