logo


Почетнички водич за Facebook маркетинг


Facebook е корисна алатка за промовирање на вашиот бизнис, без разлика дали го користите бесплатно, или сте платиле за рекламирање. Како и секоја форма на онлајн рекламирање, многу е важно да се изведе тоа рекламирање на вистинскиот начин или ќе ризикувате тоа да му наштети на вашиот бизнис. 

Најчестите грешки кои ги правите на Facebook вклучуваат :

- Оневозможување на Facebook корисниците да коментираат на вашиот Facebook ѕид;

-  Поставување на Facebook страница и неодржување на истата;

-  Игнорирање на поплаките и коментарите на вашите клиенти;

-  Бришење на сите негативни коментари и поплаки.

Светот на рекламирањето е променет последниве години, најмногу благодарение на социјалните медиуми. Порано компанијата беше таа која имаше моќ во поглед на услугите на клиентите и привлекување на нови бизниси, додека во денешно време социјалните медиуми ја префрлија моќта која сега е цврсто во рацете на потрошувачите.

Ова значи дека, за да изградите успешен бренд, од витално значење е да знаете како да настапите на социјален план. Ова вклучува поставување, одржување и ефикасно справување со вашата онлајн репутација.

Поставување на вашето присуство на Facebook

Појдовна точка за секој Facebook маркетинг е планирањето. Вашиот бизнис треба да има комплетен маркетинг план кој вклучува социјално планирање, сео оптимизација и брендирање. 

Одговорните лица на вашата компанија во врска во вашиот бренд треба да имаат јасно дефинирани:

- Лого;

-  Комуникациски стил / тон;

-  Претпознатливо брендирање преку употреба на боја / дизајн;

-  Уникатен стил на продажба;

-  Темелно познавање на целната група на компанијата.

Со цел да се стекните со најдобрите резултати, важно е сето ова да се вклучи на маркетинг каналите кои им користат на вашиот бизнис, вклучувајќи ги и социјалните медиуми, веб-сајтови, блогови итн.

Поставувањето на Facebook страница за вашата компанија е едноставна работа. Се што е потребно е да ви се достапни сите информации кои ви се потребни,  пред да започнете да правите цврст план за тоа како ќе ја управувате таа страница.

За почеток потребно е да имате :

-  Слики на профилот и насловната страна, подготвени од страна на дизајнер - логоата се добри за профилот, така да гледајте да се издвојуваат на вашиот профил;

-   Фотографии и опис на вашите производи / услуги;

-  Професионален опис на дејноста на компанијата во делот означен со “About” (вклучувајќи и клучни зборови);

-  Детали, како што се работното време, веб-сајт, електронска пошта, и други информации;

-  Некои подготвени содржини кои ќе ги објавувате како што се блог постови, содржини од вашиот веб-сајт, слики итн;

-  Одговорни лица кои ќе управуваат со социјалните мрежи;

-  Водич за стилот на водење на вашата Facebook страница.

Стекнување на Facebook следбеници


Најпрвин можете да започнете со тоа што ќе ги поканите пријателите, семејството, сите вработени во компанијата и постоечките клиенти да ја следат вашата Facebook страница.

Откако ќе ја поставите страницата и бидите задоволни со изгледот и содржината, можете да започнете да ги следите и другите во вашата индустрија и оние кои можат да бидат заинтересирани за вашите производи. Тоа треба да го направите со користење на Facebook, како страница на компанијата, а не како Вашата лична сметка.

Во горниот дел од страната е административниот панел. Изберете опција “Use Facebook as” и изберете го името на компанијата. Исто така важно е и да ја следите страната за Facebook маркетинг за да бидете во тек со советите и триковите од вработените на Facebook.

Рекламирање на Facebook


Можете да одлучите да ја зголемите популарноста на вашата Facebook страница и вашите Facebook постови. Во тој случај треба да се има во предвид маркетинг планот на компанијата ,вашата целна публика и клиенти.Тогаш ќе мора да одлучите кој вид на реклама ви одговара.

Додека секој сака да стекне што повеќе Facebook допаѓања (likes), многу е поважно за вашата компанија да се стекни со поголема ангажираност на материјалите што ги објавува. Овие социјални сигнали се повредни  на долг рок од собраните допаѓања на вашата Facebook страница.

Меѓутоа, со зголемување на популарноста на вашите Facebook постови, вие само промовирате еден пост, а не на целата страница. Имајќи го предвид тоа, бидете сигурни да го изберете правилниот пост кој ќе предизвика заинтересираност кај вашата целна публика и клиенти. Се разбира, ако сте компанија чија продажба се заснова на производи и продавате уникатни предмети може да прикажете некоја убава слика, која исто ќе предизвика интерес.

Кликнувања на вашата веб-страница / конверзациите на вашиот веб-сајт

Овој тип на реклама овозможува да ги насочите активностите од Facebook спрема вашиот веб-сајт и можете да изберете вашата целна публика да кликнува кон вашиот сајт или кон конверзациите на вашиот сајт. Од видот на бизнисот што го имате ќе зависи и каков вид на реклама ќе изберете и дали ќе биде насочена кон кликнувања или конверзации на сајтот.

Изберете ја вашата целна публика со впишување:

-  Возраст;

- Интереси;

-  Индустрија;

-  Род;

-  Брачен статус;

-  Образование;

-  Обичај (игри, настани, статус итн);

-  Локација.

Не бидете во искушение да изберете премногу голема публика, ова е контрапродуктивно и рекламата нема да се претстави добро, ако не се дефинира правилно кој сакате да ја види рекламата.

Ако одберете да користите клик кон конверзации, тогаш исто така ќе треба да се постави код за следење на вашиот сајт, исто како кога се користи код за следење и анализатор на Google и Bing.

Поставување на буџет

Можете да поставите дневен буџет или вкупен буџет, во зависност од типот на рекламата и/или да користите CPM (Cost Per Millenium - Цена на илјада прикажувања) или CPC ( Cost Per Click - Цена по клик).

Промоција на постови

Можете да изберете било кој пост да го промовирате  во кое било време брзо и лесно, со цел да се зголеми неговата популарност. Ова е особено корисно за:

-  Наградни игри;

-  Специјални понуди;

-  Содржината што сакате да се промовира. 

Едноставно изберете опција “Boost Post” во долниот десен агол и поставете го вашиот буџет, целна  публика, траењето и видот на кампања што би сакале да ја промовирате. Можете да изберете да се промовира постот на вашите следбеници и постоечка публика или пак да наведете која е вашата целна публика.

Доколку имате поплака на вашите постови:

- Оставете коментар - не го бришете;

-  Одговорете што е можно побрзо и понудете телефонски повик за дискусија;

-  Многу важно е да сте пријателски настроен, љубезен и никогаш груб. Доколку станува збор за навреди, насилно однесување или политички коментари, во тој случај можете да ги избришете и пријавите на Facebook.

Facebook е одлична маркетинг алатка, која со причина се нарекува социјален медиум. Називот доаѓа од потребата компаниите да добијат социјални со своите клиенти, да комуницираат на професионално ниво со пријателски и коректен тон. Направете го тоа како што треба и ќе додадете една нова димензија на вашиот бизнис, а во спротивно секоја ваша грешка може да биде фатална за вашиот бизнис.


Наш избор на сајтови
© 2014 Веб Адресар