logo


20 препораки за вашиот блог


Сигурно многу од вас бараат совети на интернет за тоа како да започнете блог. За темите на вашиот блог. За тоа како е да се биде блогер. За создавање на значајна содржина и посетеност на блогот.

Ова се нашите препораки:

1. Дефинирајте ја темата на вашиот блог

Длабоко размислете што е она за што сте страстни. Трчање? Готвење? Да се ​​биде родител? Ја најдовте ли вашата страст? Ако е така, што и да е, ќе пишувате токму за тоа. Ако не, тогаш ќе мора прво да ја пронајдете вашата страст.

Не блогирајте за нешто за кое немате некои уникатни погледи и перспектива. Доколку водите едноставен живот и имате уникатни погледи, тогаш вложете ги сите средства за вашиот блог и уживајте во неговото креирање.

2. Дефинирајте ја вашата идеална публика

Откако ја пронајдовте вашата страст, треба да знаете кој ќе ги чита вашите постови. На пример, доколку сакате да пишувате за маркетинг, вашата публика ќе бидат читатели кои се заинтересирани или се занимаваат со маркетинг, бизнисмени, претприемачи.

Доколку сакате да пишувате за одгледување на деца, тогаш идеална публика се вашите пријатели, семејство, што исто така ќе ве инспирира. Најважно е да ги прилагодите текстовите спрема вашата идеална публика (без разлика дали тоа се пријателите, семејството или жители од вашата локална област).

3. Додадете вредност

Содржините на вашиот блог мора да имаат вредностикои ќе го збогатат животот и познавањата на читателите. Ова е единствениот начин на кој ќе добиете приврзани и верни читатели на вашиот сајт.Додавањето на вредност е единствениот начин долгорочно да придобивате публика, која ќе се враќа повторно на вашиот блог.

4. Бидете оригинални

Да, има и други блогови токму за истататема за која што сакате да пишувате.Значи, зошто е вашиот блог поинаков од другите? Одговорот на ова прашање е : поинаков е заради вас.  Вие сте причината поради која вашиот блог е поинаков, уникатен, тоа е заради вашата перспектива, уникатност, креативност и вредноста која ја додавате на вашите содржини.

5. Бидете интересни

Напишете еп, анегдота, некоја интересна содржина. Особено ако сакате луѓето да го споделат тој пост со другите.

6. Бидете тоа што сте

Дел од тоа да се биде интересен значи да се кажува својата приказна. Секој човек е уникатен, и вашата приказна е значајна. Важен дел од раскажувањето, сепак, е отстранување на непотребни детали кои ја прават приказната да не е интересна. А одличен раскажувач отстранува 99% од она што навистина се случува (непотребните детали) - и остава 1% интересни детали за читателот.

7. Бидете искрени

Вашиот блог треба да биде реален, ако сакате луѓето да го читаат. Тоа значи, дали навистина ги практикувате работите за кои пишувате? Ако не, луѓето ќе го согледаат тоа преку вас.

8.Транспарентност

Да се ​​биде транспарентен е различно од тоа да се биде искрен. Вие не треба да го споделувате секој детал од вашиот живот само за да бидете искрени. Секогаш бидете искрени, и бидете транспарентни кога додавате вредност на тоа што го пишувате. Некои неважни работи нема потреба да ги споделувате.

9. Време

Откако научивте како да започнете блог, ќе дознаете дека за блогирањето е потребно многу време, посебно ако сакате да го направите вашиот блог да се издвојува од останатите. Бидете трпеливи и посветете доволно време на онаа содржина која ја објавувате.

10. Визија

Дизајнот на вашиот сајт ќе изгледа добро доколку имате добра тема, добар тим и се разбира најважно е да имате визија за тоа како сакате вашиот блог да изгледа. Откако имате визија, се што е потребно е да  работите напорно за таа визија да стане реалност.

11. Пронајдете го вашиот глас

Со текот на времето, добрите писатели го откриваат нивниот глас и со своето пишување имаат тенденција да развијат одреден естететика , која е привлечна за нивните читатели. Наоѓање на вашиот глас го прави вашето пишување поживо и пореално.

12. Ние наместо вие

Употребувајте изјави од типот ние/нашите наместо вие/вашите, особено кога станува збор за пишување за негативни однесувања или тенденции. Да не дојде до случај вашата публика да биде навредена.

13. Кога да објавите

Се прашувате кога е најдобро време за да објавите пост на блогот? Одговорот на вашето прашање е дека тоа не е толку важно. Не постои одреден распоред на постирање. Некој ден ќе постирате еден пост, некогаш три. Важно е да пишувате со континуитет, а не треба да претерувате со детали.

14. Социјални медиуми

Да, ние ви препорачуваме да користите Twitter и Facebook за да се поврзете со читателите и други блогери, но не се концентрирајте премногу на тоа. Фокусирајте се најпрвин на пишувањето, а потоа на социјалните медиуми.

15. Игнорирајте ги негативните критики

Секако дека ќе добивате и  многу негативни коментари и глупави прашања, од неуки луѓе кои не се навистина нашите читатели, но вашите сајт не е наменет за истите. Избришете ги тие коментари и продолжете понатаму.

16. Истражување

Вложете дел од вашето време во истражување за тоа што го пишувате. На тој најчин ќе можете да користите релевантни линкови во вашите објави, корисни совети од вашето истражување и безброј интересни искуства.

17. Бидете едноставни

Минимализмот може да се примени на било кој блог, без оглед на неговата тема. Нема потреба да се ставате непотребни реклами и ознаки на вашиот сајт, бидете едноставни, отстранете се што не е потребно и не додава вредност на вашиот блог.

18. Слика

Ставете ваша слика на блогот. Луѓето се идентификуваат со други луѓе. Вашата верна публика сака да има јасна претстава кој стои зад објавените постови и да се приближи до вашата личност.

19. Коментари

Ако планирате да поставите можност за коментирање на вашиот сајт, тогаш прочитајте ги овие многу важни препораки на Скот Стратен .

20. Живејте го  животот

Вие блогирате за вашиот живот (или за одредени аспекти на вашиот живот), па се уште треба да го живеете животот како и претходно. Постојат работи кои секогаш треба да ги ставите пред пишувањето: вежбање, здравје, односи, искуства, личен развој, придонес.


Наш избор на сајтови
© 2014 Веб Адресар